Ma runbaa in aaladda Tiktok ka lacag laga sameyn karo wakhti xaadirkan lagu jiro ee sannadka 2024 ?
waxaa bilihii ugu dambeeyay soo badanayay hadal-heynta ah in aaladda Tiktok ka laga sameyn karo lacago aad u faro Badan oo qofka noloshiisa kaafin kara.
hadaba waxaan baaritaan dheer oo aan sameynay kadib soo ogaanay in ay run tahay in lacag laga sameyn karo aaladda Tiktok waliba lacago aad u faro badan.
sidee tiktok lacag looga sameeyaa.
lacag intee le’eg laga sameyn karaa aaladda Tiktok ?
lacagta laga sameyn karo aaladda ama application ka Tiktok ku hadba waxa ay ku xiran tahay wadada aad raacdid, waxaa jira wadooyin aad u faro badan oo lacag looga sameyn karo Tiktok.
hadaba waxaan idiin soo gudbinaynaa 6 hab oo aad lacag uga sameyn kartid aaladda Tiktok ka.
___
1- habka koowaad waa Tiktok Creator Fund
Tiktok creator fund waa qaabka ugu fiican ee Tiktok lacag looga sameyn karo wakhti xaadirkan lagu jiro. hadaba maxuu yahay creator fund ku ?
creator fund waa in aad si toos ah aad lacag uga sameysid muuqaalada aad soo dhigtid aaladda tiktok adiga oo ku biiraya program kooda creator fund.
hadaba shuruudaha lagaa rabo si aad ugu biirtid programka creator fund waxay kala yihiin:-
- waa in aad heysatid ugu yaraan 10,000 kun oo followers.
- waa in muuqaaladaada la daawaday 100,000 kun oo jeer 30 kii beri ee ugu dambeeyay.
___
2- Habka labaad waa brand deals and sponsorships
haddii aad tahay qof heysta followers xoogaa aad u fiican, shirkaduhu waxa ay dadka saameynta ku leh aaladda Tiktok ka ay ku bixiyaan lacag si ay ugu xayeysiiyaan wax-soo-saarkooda.
haddii aad tahay qof heysta shacab aad u fiican, isku day in aad la xiriirtid shirkadaha aad garaneysid adiga oo ka dalbanaya in aad u xayeysiiso alaab bahooda.
waxay u badan tahay in ay shirkaduhu kusoo aqbali doonaan, maadaama ay iyaguba u baahan yihiin cid u xayeysiisa waxa ay soo saaraan.
___
3-Habka saddexaad waa selling products
haddii aad tahay qof wax soo saar leh, waxaad Tiktok ka u addeegsan kartaa in aad ku xayeysiisatid ganacsigaaga.
waxa aad xayeysiisaneysid waxa uu noqon karaa waxa uu doonno, waxa uu noqon karaa:-
- buugaag aad qortay ama aad gadid.
- qalabyo aad soo saartid.
- creams aad iibisid.
- koorsooyin aad duubtay.
iyo waxa ay noqon karaan waxyaabo faro badan oo hadda aan maskaxdeenna kusoo dhicin oo aad adigu nooga aqoon badan tahay.
___
4-Habka afaraad waa Live Gifts
habkan waa habka ugu sahlan oo Tiktok marka la joogo lacag looga sameyn karo, waana habka ugu badan oo ay Soomaalidu lacag uga sameyso aaladda Tiktok.
inkasta oo intooda badani ay u addeegsadaan dhanka xun, iyaga oo lacagta intooda kaga sameeya mowduucyada ay kamidka yihiin qabyaaladda iyo isku dirka ummadda Soomaaliyeed.
hadaba adigu waad ka duwanaan kartaa kuwan waxaadna kaga sameyn kartaa dhanka wanaagsan adiga oo live yada kusoo gudbin kara waxyaabo bulshada faa’ido u leh.
marka aad live ka soo gashid daawadayaasha ayaa kuusoo diraaya gifts yo. gifts yadan ayaa aad u beddelaneysaa lacag iyada oo gifts ka qaarkood ay noqdaan lacag faro badan.
___
5-Habka shannaad waa Affiliate marketing
Affiliate marketing ku waa mid kamid ah hababka ugu sahlan ee Online ka lacag looga sameyn karo, gaar ahaan aaladda Tiktok ka.
hadaba Affiliate marketing ku waa in aad shirkadaha aad u xayeysiiso alaab bahooda adiga oo isticmaalaya Link yadooda.
qofkasta oo isticmaala link yadaada kana gata shirkadda aad u wax u xayeysiineysid wax uun, waxaad ka helaysaa commission ama waxa aad ku yeelaneysaa waxa uu gatay percentage ugu yaraan 5%.
hadaba waxa aad sameyn kartaa in aad muuqaal aad duubtid aad u xayeysiineysid product ka shirkadaas, kadibna ay kaasoo raacaan daawadayaashaadu, ka dibna ay wax ka gataan shirkadda.
___
6- Habka lixaad waa Tiktok Ads Program
Tiktok ads program muxuu yahay ?
Tiktok ads program waa qeybta shirkadda Tiktok ay ugu talo gashay in ay shirkaduhu ay wax ku xayeysiistaan products kooda.
hadaba haddii aad tahay qof yaqaana sida loo isticmaalo Tiktok ads program waxaad la xiriiri kartaa shirkadaha u baahan in wax loo xayeysiiyo.
shirkadahaas marka aad la xiriirtid waxa aad u sheegaysaa in aad ku fiican tahay isticmaalka iyo suuq geynta aaladda tiktok ka. aadna sameysid xayeysiisyo qurux badan.
sidee Tiktok lacag looga sameeyaa ?
hadaba marka ay kusoo aqbalaan shirkaduhu waxa aad u sameyneysaa xayeysiisyo qurux badan oo soo jiidan kara daawadayaasha.
ugu dambeyntii
baraha bulshada in lacag laga sameeyo waa wax aad u fudud, laakiin u baahan dadaal joogto ah iyo dulqaad aad u faro badan.
aaladda Tiktok kana intii aad usoo gali lahayd in aad iska daawatid muuqaalada ay dadka kale soo dhigaan, adigu noqo kan lacagta ka sameynaaya aaladdaas oo wakhtigaaga ka faa’ideyso.
haddii aad xiiseyneysid maqaal ladeenna kale waxaad kasoo akhrisan kartaa website keenna qeybta blogs ka.
One Response